FANDOM



سلمى



همشيره زاده مدر.درت

ياشنده أولدى.



بوتون كون ايشته بوغوشدم ، ايچيم صيقيلدى.يتر!

يارين ده عينى مزاحمله او غراشوب طوره جق

دكلمى يم ؟ بكا اوياله يسه ، شيمد يلك ايستر ،

فراغ ايچنده دوشونمك ، وجودى يورمايه رق.

حيات ، جنك معيشت ؛ جهانسه معركه در؛

زمان زمان بو سكونلر برر متاركه در.

ديدم ، زمينه اوزاندم.فقط حضور او نه زور!



دققه سورمدى حتّى بنم بو ياصلانمام...

بر أسكى قومشو كلوب:والده ك سلام ايديور ،

دييور كه : خسته آغيرﻻشدى ، طورماسين ، آقشام ،

همان بزم أوه كلسين. ديينجه طاوراندم ،

او آشيان پريشانه طوغرى يوللاندم.



صاريلدى بوينمه آننه م كيرنجه٬ بن ايچرى.

دييوردى آغلايه رق : -كورمه ، عاكفم٬ چوجوغى!

سنك دكل ، يدى قات ايللرك يانار جكرى ،

أولوم دوشكلرى اوستنده كورسه ياوروجوغى.

شكر ، بو كون آزيجق فرقليدر ، دييوردق دون...

او پنبه پنبه ياناقلر كيرچ كسيلدى بوكون !



فلان هكيم ، ديديلر.كلدى ، باقدى ، آكلامادى.

خاير ، فلان داها بر آكلاييشليدر ، ديديلر.

مكر ياﻻن يره چيقمش او سرسمك ده ادى !

برق كه آكلاسه لر وارمى چاره هيچ ؟ نه كزر !



هكيم علاجلرى ،اوغلم٬ بوتون تسليدر.

علاج ييوب ايى اولمق ، او بر تجليدر.



كسيلدى قاردهشك آرتق يمكدن ، ايچمكدن ؛

ﻻقيردى ديكله ميور ، كندينى هلاك ايدييور.

او، خسته دن دها شايان مرحمت...كورسه ك...



ديدكجه آننه ، چوجقدن اميدى كس...كيديور!

تلاش ايچنده قالوب بوسبوتون شاشرمادهيم.

اكر يتشمسه امداده يو قمى قو مشو خانم...



-كورونميور ، هانى همشيره نرده در ؟كلسين.

بنم سوزم نه قدر اولسه باشقه در ، بلكه



براز بولوردى تسلى...

--نصل ده سويلرسين!

ﻻقيردى كار ايده جك كيم ؟ طويارمى هيچ بريكى؟

قوﻻى بر ايشمى؟ سنك آننه اولديغك وارمى؟

چوجوق او حالده ايكن آننه سوزدن آكلارمى؟



بو هم قاچنجى فلا كت؟ بشنجى ! ياربى ،

تمام بشنجى سفردر كه كيز اولوم كوره جك!

بو صوك اميدى ده شايد كيدرسه دردى كبى ،

زواللى كندينى وقتندن اول أولدوره جك.

چيقوب ده كور هله بر كره شيمدى سلمايى...

نه حاله قويدى فلك ، كيتده باق ، او سيم يى!



صباحلين ديلى ، باقدم ، برآز آغيرلاشيور...

مليل مليل باقيور شيمدى بلبل اولادم!

نه ظالم علت ايمش : بر چوجوقله اوغراشيور...

او اولماسه يدىده بن كاشكى خسته اولسه يدم.

شكايت اولماسين اما تحملم بيتدى...



كناهه كيرمه ده يم طورمشم ده باق شيمدى!

نه منظره يدى كه بر قوش قدر اوچان او ملك

طوروردى بى حركت ، قول قاناد قيميلداميور!

كوزنده نور نظر تيترييور همان سونه جك...

دوداقده ناطقه طونمش ؛ قولاق سوز آكلاميور!



تراب رنكسنه كيرمش جبين سيمينى؛

أولوم مرارتى طويدم أوپونجه لبلرينى!



باشنده آننه سى -ماتم تجسم اتيش ده

قادين قيافتى آلمش كبى -طورور مبهوت؛

ياننده قومشو قادينلر خروشه آماده٬



اكرچه اورته ده دونمكده بر مهيب سكوت.

كيرنجه بن اوطه دن هپسى قالقديلر آياغه٬

قيزيله آننه سى ميخليديلر فقط ياتاغه!



ديدم: نه دربو سنك ياپديغك٬ دوشونسه كه بر.

براق شو خسته يى آرتيق بر ازده كنديسنه.



نه چاره ، حكم قدر عاقبت ظهوره كلير٬

جنازه شكلنه كيرمكده بويله فائده نه؟

سنك بو ياپديغك اللهه قارشى عصياندر؛

اصل فلا كته صبرايلينلر انساندر...



شو يولده باشلايان آواره بر طلاقتله٬

دوام ايدوب كيدييوردم بن اجتهادمده..

نه اولدى ، خسته يه بر شيمى اولدى٬ آكلامادم..

او بهت ايچنده كى قيزدن كمال شدتله،

شو صيحه قوپدى كه حالا انينى يادمده:

نه طاش يوركليسكز...آه كيتدى اولادم...

Community content is available under CC-BY-SA unless otherwise noted.